Varsel om oppstart av detaljregulering for «Bryggekvartalet – Ørsta» – PlanID: 2024004.

I medhald av plan- og bygningslova § 12-8 varslar ein med dette oppstart av arbeid med detaljregulering av gnr.14 bnr.149 og 180 m.fl. i Ørsta kommune. Namn på detaljplanen er «Bryggekvartalet – Ørsta»

5465 Varslingsbrev Med Vedlegg 2024 10 09

Planområdet

Planområdet på ca. 3,9 daa ligg i Ørsta sentrum mellom Webjørn Svendsengata og Ørstafjorden.

Formål

Målet med planarbeidet er å legge til rette for ei revitalisering av dette sjønære området som i lang tid har framstått som lite tiltalande. Ein ønskjer å utvikle eksisterande bygningsmasse til eit kombinert bustad, kontor- og bevertningsbygg i samsvar med formål- og intensjon i gjeldande område-/sentrumsplan. Ein ser føre seg at konseptet vil føre til auka aktivitet i området og gje publikum i og utanfor kommuna eit bu- og servicetilbod utanom det ein elles finn i kommunen.

Planstatus

Planområdet inngår i områdeplanen for Ørsta sentrum (planID 2015009) og inneheld følgjande planformål:

  • BKB25 og BKB26:             bustad/tenesteyting/kontor/bevertning
  • o_SGG10 og o_SGG11: offentleg gangveg/gangareal/gågate (strandpromenade)
  • o_SF28: offentleg fortau
  • o_SKV28: offentleg køyreveg
  • o_SVG: annan veggrunn – grøntareal
  • o_ST3: torg
  • BB1: bevertning

I tillegg er planområdet omfatta av følgjande omsynssoner:

  • H320_1: flaumfare
  • H220: gul støysone
  • H810_5: krav om felles planlegging

Informasjon og medverknad

Formell saksgang ih. reglane i plan- og bygningslova sikrar at kravet om medverknad vert ivareteke gjennom lovfesta høyringar og offentleg ettersyn. Utover dette legg ein ikkje opp til særskilte tiltak for medverknad utover behovsretta dialog med kommunen. For informasjon undervegs i planarbeidet kan ein kontakte forslagsstillar eller plankonsulent.

Forslagsstillar:         Din Bolig AS, Vikegeila 12, 6150 Ørsta ved:

  • Roar Eiken – mob.95240491 – roar.eiken@dinbolig.no

Plankonsulent:        Mulvik AS, Holmen 7, 6100 Volda ved:

Oppstartsvarselet med vedlegg vert annonsert i avisa “Møre Nytt” og lagt ut både på kommunen si heimeside www.orsta.kommune.no  og på vår si heimeside www.mulvik.no

Merknader/Innspel til oppstartsmeldinga

Eventuelle innspel til planarbeidet merkast med «Detaljreguleringsplan for Bryggekvartalet» og sendast anten som e-post til jan@mulvik.no eller som brev til: Mulvik AS, Holmen 7, 6100 Volda.

Innkomne merknader vert saman med planframlegget sendt til kommunen for handsaming og utlegging til offentleg ettersyn. Ein treng difor ikkje sende kopi av merknaden til kommunen.

Frist for innspel: 15.11.2024

Etter at fristen for innspel er ute, vert planframlegget utarbeidd og innsendt til Ørsta kommune for vidare handsaming. Etter eventuelle justeringar, legg kommunen planen ut til offentleg ettersyn. Det vert då høve til å kome med merknader til planframlegget før vidare politisk handsaming med sikte på endeleg god-kjenning av planen.